ابنك بيكره المدرسه مش عاوز يروحها تعالي الحل عندنا

1- خصصى لابنك مكان معين فى البيت يذاكر فيه ويعمل فيه الhome work ,, تحطى فيه كرسى ومكتب او ترابيزة ,, ويكون فيه كل الادوات الى بيستخدمها ولازم يكون بعيد عن التليفزيون ..
* وممكن تخليكى معاه شوية من الوقت تساعديه وتسيبيه هو يكمل بعد كده.. وممكن تزينى المكان ده بورق حيطة بالوان كتير او ستيكرز عشان يحب يقعد فيه ومش يمل منه..

2- لازم تحددى له وقت معين من اليوم للمذاكرة ,, ولازم كمان يلتزم بالوقت ده وميتأخرش عنه عشان ترسخى فى ذهنه اهمية الدراسة..

3- توعديه بهدية حلوة بعد ما يخلص المذاكرة كلها .. وممكن تبقى هدية بسيطة مش مكلفة خالص ,, ونوعى فى الهدية دى عشان مش يزهق وكمان تقدرى تنوعى فى طريقة تقديمها ليه .. يعنى مثلا تكتبى فى ورق صغنن كتيييير اسم الهدية وتخليه هو يختار هديته ,, وحتى ممكن تخلى من ضمن الهدايا انه يتفرج على كرتون بيحبه..

5- نصيحة بلاش تشتريله الاقلام والمساطر التقليدية دى بتاعة تيتة وجدو 

فيه اقلام حلوة اووووووى موجودة فى محلات لعب الاطفال مش المكاتب العادية زى دى

الاقلام دى حتحببهم اوى فى المذاكرة وتفتح نفسهم.. معلش ممكن تبقى تكلفتها اعلى بس كلو يهون عشانهم..
وقيسى على كده كل ادواتهم وحتى شنطهم.. خليهم يحسو انهم مميزين..

4- اوعى تحكيله فى يوم عن اى تجربة سيئة ليكى ايام دراستك .. وحاولى تقنعيه انه يسمع كلام مدرسينه .. وحتى لو فى يوم حصل خطأ منهم سواء ضرب او سب ممكن تقوليله لان انت يا حبيبى غلطت ومتعملش كده تانى . وبعدين روحى المدرسة ونبهى انه ممنوع يضرب ابنك او يكلمه باسلوب غلط والا يكون ليكى تصرف تانى..

5- علمى ابنك ازاى يدخر فلوسه حتى لو يدخر على مدار الاسبوع 2 جنيه يجيب بيها بالونة .. بس فى الاخر عرف يعنى ايه ادخار..

6- حاولى راقبيه عشان تشوفى هوايته وكللللل طفل لالالالالالازم يبقى عنده هوايه ولو انتى عايزه ابنك طفل نابغ بجد اعرفى ازاى تكتشفى هوايته دى ونميها..

7- حاولى اربطى منهج تعليمه بالحياه العمليه يعنى مثلا لو كان لسة بيدرس الحروف والارقام . افضلى عدى ادامه اى حاجة ان شالله حتى لو بطاطس او طماطم او حتى الكراسى وخليه يعد وراكى..

شاركه على جوجل بلس

عن Unknown