الملابس الداخلية و الانجيرى من لك انتي يا انثي

تاااااااابع لبس البيت و الملابس الداخلية

1- البراهااااات البوش أب

الأعداد 6
هاتى منهم 3 أكبر من مقاسك بدرجتين
يعنى انتى لو بتلبسى 38 هاتى 3 مقاسك
و هاتى 3 مقاس 40
عشان مقاسك هيختلف بعد الحمل و الولادة

5 - الأندراااات البكينى

هاتى من 8 الى 12
هاتى أشكال دلع كدة و فيونكات و حركات
و راعى ان الألوان تبقى مختلفة و تليق على البراهات

3- براهااات سوفت برا

كلنا عارفينها طبعا بتاعة كارينا
و فى منهم مش ماركة خالص و بيكون قطن 100%
هاتى 3 مش مبطنين
و 3 مبطنين
و الاتنين بيبقوا مريحين جدا و بيبقوا فرى سايز

5- الأندرات القطن

هاتى 12
و نوعى فى أشكالهم و ألوانهم
هينفعوكى أوى فى البيت
بس لااازم يبقوا قطن 100 %

6 - أطقم بكينى

الأعداد من 3 الى 6 حسب امكانياتك
بيبقوا مع بعض
و نوعى فى الأشكال و الألوان

7 - هوت شورتات قطن

هاتى من 3 الى 6
بيتباع بالواحد
يش هاتيهم قطن 100%

8- البرا الشفافة

بتتلبس تحت الانجيريهات عشان متبنش
هاتى واحد بس
هتلاقيه فى حدود 20 جنيه او اقل

9- البرا السليكون

هاتى واحد فقطبيتلبس تحت السورايهات و اللانجريهات و بيدى حجم للصدر

10 - البيبى دول القصير

طبعا حاجة أساااااسية
هتجيبى من 6 الى 12 حسب امكانياتك
هاتى منهم 2 بأرواااابهم و الباقى عااادى
وممكن تكترى العدد لو كان رخيص
بس هاتى على الاقل 3 غاليين و شكلهم قيم
هاتى أشكال مختلفة و ألوان مختلفة
بس أحسن لونين الأحمر و الإسود
يليهم البنفسجى و الكحلى و الروز و الأبيض
و انتى و زوقك بئة

11- قمصان النوم الطويلة

هاتى من4 الى 6
منهم 2 يكونوا بأروابهم
و نوعى فى الاشكال المقفول
و اللى بفتحة و الشفاف
لو رجلك رفيعة او مش حلوة
كترى من الطويل على حساب القصير
عشان تدارى العيب دة

12 - قميص نوم ليلة الدخلة

طبعا بيبقى واحد بس و لازم يبقى شيك جداا
و غالبا بيبقى أغلى قميص عندك
مغظم الناس بتجيبوا أبيض
لكن انا بقولك مش شرط
هاتى اللون اللى جوزك بيحبه
انا اعرف ناس لبست كحلى ليلة الدخلة
من رأيى هاتيه أبيض او روز أو احمر

13-قميص نوم الصباحية

طبعا بيبقى واحد
ولازم برضو يبقى شيك و غالى
برضو هاتيه اللون اللى يريحك و اللى جوزك بيحبه
بس الأفضل يعنى يبقى سمنى او اوف وايت او روز بيدى شكل ملايكة كدة

14- البيجامات الستان

هاتى 3 واحدة بنطلون
و واحدة برمودا
و واحدة هوت شورت

تم إضاااااااااااااااافة
لبس البيت الشتوى
بناءا على طلب الجماهير

1 - أرواااب شتوى

الأعداد من 1 الى 3 متزوديش عن كدة
و يفضل 2
هاتى واحد قطيفة و واحد عادى
بس تكون خامتهم حلوة و تقيلة
أحلى أرواب شوفتها كانت من لارين

2- البيجاماات الشتوى 3 قطع

دى بتبقى عبارة عن بنطلون و توب و جاكت
و طبعا بتبقى غالية مش هتلاقيها أقل من 100
هاتى من 3 الى 6
حسب امكانياتك و حسب حاجة تانية
شوفى يا عروسة انتى هتتجوزى فى الصيف و لا الشتا ؟؟
لو هتتجوزى فى الصيف خدى بالك قللى من الشتوى
لإنك احتمال ان شاء الله فى الشتا تكونى حامل
و بالتاااااااالى الحاجات دى مش هتنفعك !!

3- البيجامات الشتوى القطعتين

و دى بتبقى أقرب للخريفى
بس بتنفع فى الشتا برضو
هاتى من 3 الى 6 حسب امكانياتك
و نوعى فى الألوان
و يا ريت تبقى الخامة تقيلة
و مبطنة من الداخل عشان تدفى

4- الجلابيات الشتوى

هاتى من 3 الى 6
و هاتى 2 منهم اكبر من مقاسك شوية
عشان لو حامل ينفعوكى

ملحوووووووظة

لو هتتجوزى فى الصيف حاولى لبس الشتا يبقى أكبر من مقاسك شوية و متكتريش منه
و متجبيش حاجات ضيقة من عند البطن يعنى هاتى حاجات أمبير زى كدة

عشان تنفعك فى الحمل ان شاء الله
و نفس الكلام بالنسبة للجلابيات يعنى حاولى معظم حاجتك تبقى الاستايل دة فى الشتوى لو انتى هتتجوزى فى الصيف