---------------------------
فكرة الكريم سهلة جدا ومتختلفش
عن اى كريم سواء للشعر او البشرة
اى كريم يتكون من عناصر اساسية
ماء -زيوت -مادة ربط
وايضا اضافات عطرية سواء كحوليه او زيوت خام
الكريم اضفت فيه تقريبا معظم واهم العناصر المفيدة للشعر باذن الله
ولكن كاى تغذية للشعر محتاج علشان نلمس تاثيره الايجابى
بامر الله انا نستمر عليه فترة
المشكلة اللى عند الكثيرات
اننا مش بنصبر على حاجة نجرب شيء فترة قصيرة جدا بعدها نزهق
ونقول مفيش نتيجة وننقل لحاجة جديدة
هو ممكن يكون في تاثير
ايجابى على شعرك
لكنك مش بتلاحظيه
لان على طول حاطة شعرك تحت الميكرسكوب
كل شوية تبصى في المرايا
وتشوفي ايه التغيير اللى حصل لشعرك
حتى لو في تقدم وشعرك بيستجيب للوصفة مش هتلاحظيها الا بعد فترة
تنسي شعرك خالص تهتم يبه ومتراجعيش وراه
بعد شهر ونص او شهرين هتلاحظي الفرق واضح
او فكرة اخرى انك تروحي لدكتورة تفحص حالة شعرك
وبعد استخدام الوصفة بشهرين تروحي لها تانى
هيكون فرق التغيير لشعرك بالنسبه لها واضح جدا وملموس وهتقدر تحدده بدقة
انما كل يوم تبصى في المرايا و تفحصي شعرك
كام شعرايه نبتت
كام شعرايه طولت بقى ناعم ولا زي ما هو
مفيش حاجة سحر دورة حياة الشعرة 3 شهور
لازم الفترة دي لاى وصفة علشان تبان النتيجة
بقول الكلام دة ليه؟
بنات كتير تقول جربت حاجات كتير ومنفعتش يمكن جربو اسبوع اتنيين
متحكميش الا بعد 3 شهور من الاستخدام المنتظم لاى وصفة
----------------
دي نصيحة على الماشي يارب تكون استفدتو منها
وندخل بقا على طريقة الكريم وهو سهل جدا لكن بعض
مكوناته ممكن تكون غير متوافرة
في الحالة دي هنكتفى باللى عندنا منتعبش نفسنا وندور
اللى عندك استخدميه ولو مفيش اكتفي بالموجود
طريقة عمل كريم جل شمع النحل والزيوت
نص كوب جل بذر القاطونة وبذر الكتان
هنغلى معلقة منهم لحد ما يتكون الجيلاتيين هناخد نص كوب متوسط
معروف فوايد جل الكتان والقاطونة في فرد الشعر وتنعيمه وازاله التقصف
هنغلى معلقة بذر كتان مع معلقة بذر قاطونة
لحد ما نحصل على الجيلاتين منهم
هناخد نص كوبايه متوسطة
لو تفتكرو صاحبتنا منة
بطلة الموضوع دة
اللى شعرها كان لااااااااااااااااخر ضهرها هههههه
ربنايستر عليها انا هريتها قر في المنتدى هههههه
المهم انها بتحط النخاع مع الزيوت على فروة راسها كزيت
وكنت نوهت انى هعمل نفس طريقتها ترك النخاع ع الشعر دون غسله
يعنى كدهان ولكن مش في صورة زيتيه
بطريقه اخرى
الا وهى
تحويل الزيوت الى كريم
هنستخدم النخاع مع الزيوت
هوريكم طريقة تحضيره بالتفصيل
علشان في بنات متعرفهاش
وبتسال ديما نجيبه منيين وشكله ايه ونعمله ازاي؟؟؟
دة بيبقى شكله لما تجبيه من الجزار
مش عاطفي بالمرة
هنعمل ايه هو دة النخاع المفيد للشعر
تخلى الجزار يكسرهالك ويخرجلك منها النخاع
اطلبي ديما ماسورة(المدفونة) بيكون النخاع فيها كتير
هتضيفي عليه ربع كوب زيت زيتون وعلى حمام مية
وممكن تضيفي عليه اى عشب عطرى نعناع او زعتر
يخفف من ريحة النخاع على شعرك
علشان القطط متجريش وراكي ههههههههههه
تتركيه يسيح ويخرج الزيوت اللى فيه
وتصفيه في الاخر وهيبقى بالشكل دة
وبكدة هيكون عندك زيت النخاع
هنحتاج ايضا لزيوت اخرى مطولة منعمة للشعر باذن الله
وانا اخترت
هذه الزيوت
املج -جرجير-خردل-خروع-سمسم
ولو عندك زيت فيتامين E
ممتاز في تنعيم الشعر وتطويله
اى زيوت عندك ممكن تحطيها
وايضا زيت عطرى لافندر او دهن بنفسج او روزماري
الزيوت العطرية ليست للتعطير فقط
فهى بتساعد على تنشيط الدورة الدموية بالراس
وازاله الاحتقان بفروة الشعر واسترخاء بصيلات الشعر
حاجة صغيرة هنضيفها للكريم
اكتشفت انها بتطول الشعر بشكل ملحوظ جدا
وعن تجربة
يمكن تحسي بالفرق من اول مرة
الا وهو
الزنجبيل
رشة زنجبيل صغيرة نضيفها للكريم
لانه بينشط الدورة الدموية بيجذب الدم للبصيلات
ويساعد على تغذيتها وبالتالى سرعه نمو الشعر
انا من اول مرة استخدمت الزنجبيل لاحظت الفرق واضح في الطول
وبقيت اضيفه لاى حاجة لشعرى
حمام زيت او حتى حمام كريم البيض والحنة
حتى اى غسول للشعر
اعشاب/ قهوة/ بصل وتوم
بضيف لهم رشة زنجبيل
ولكن كوني حذرة!!!!!!!!!!!
رشة بيسطة جدا
يدوب سنة صغيرة
الزيادة في الزجبيل
غير مرغوب فيهاعلى الطلاق
ممكن يؤدي لنتائج
غير طيبة
شمع عسل النحل
اهم حاجة الشمع يتغسل كويس جداااااااا
لو تبقى اثار عسل فيه هينشف شعرك ويلزقه اغسليه كويس
تحت الحنفيه حطيه في مصفى شاي
وتحت الحنفيه اعصري فيه خلصيه من العسل اللى جواه
ودة شكله بعد غسله جيدا
استخدمى قالب كبير او اتنيين افضل
علشان الكريم يكون اكثر تماسكا
شمع العسل مهم جدا لصحة الشعر
لانه غنى بفيتامينA اللى بيساهم بدرجة كبيرة جدا في
ترطيب الشعر بعمق
تغذية الجذور
تحفيز نمو الشعر
علاج القشرة
علاج التقصف والهيشان
وايضا تلميع الشعر
بيعطي للشعر لمعه جميلة
طبيعية
------------------------------------
اخر حاجتين مش اساسيين في حالة عدم توافرهم
زي ما قلت موجودين ضيفيهم
مفيش
بلاش منهم
معلقة زبدة كاكاو
مهمتها هتعطي للكريم ريحة حلوة وتساعد على تماسك الكريم
لو مفييش نكتفي بشمع العسل ولكن هنزود كميته بدل قالب واحد يبقى اتنيين
علشان الكريم ميبقاش سايل
زيت جوز هند الخام
يفضل الخام اللى اللى بييتجمد زي السمنة
معظم زيوت جوز الهند السايبه بتبقى مغشوشة
لو متوافر عندك ضيفي مقدار معلقتين
الطريقة
بمنتهى البساطة
هنضع كل من
الشمع -النخاع- زبدة الكاكو -جوز الهند
بعد ماالمكونات تسيح تماما
نضعها في الخلاط
وبسرعه ننزل بمية جل القاطونة والكتان
نصب الخليط براحة جدا والخلاط شغال
زي طريقة المايونيز علشان المية تتنجانس مع الزيوت كويس
والخلاط شغال ايضا هتنزلى على الخليط بالزيوت حوالى نص كوب زيوت
انواع مختلفه حسب الاختيار
وممكن زيت زيتون فقط
ونضيف رشة صغيرة زنجبيل
هيتحول لكريم في ثواني
هتفضيه في علبة كريم فاضية
قوامه مناسب لا تقيل ولا خفيف
على شعر ناشف يستخدم كدهان عادي يوميا التركيز على الفروة والشعر
كميه بسيطة علشان الشعر يمتصه بسهولة
جربوه باذن الله تلاقو منه نتايج طيبه في التنعيم والتطويل
لكن
زي ما قلت نستمر بانتظام شهور علشان نلمس الفرق في تغير الشعر
يستخدم كدهان عادي على الشعر والفروة مع التدليك
مهم جدا ندلك فروة الراس مع دهان الكريم
الكريم مجرب ومضمون باذن الله
بينعم الشعر ويتقله ويمنع الهيشان بدرجة كبيرة جدا اساس هيشان الشعر هو قلة الترطيب
وشمع النحل والزيوت مرطبات ومغذيات للشعرة فبيقلل هبيشانها
------------------------
وميزة هذا الكريم انه
بيجمع لك معظم
واهم العناصر المفيدة للشعر في مكون
واحد تقدري تستخدميه بسهولة كل يوم
مثلا جل القاطونة والكتان صعب تحطيهم على شعرك يوميا
وفترة طويله لكن الكريم هيساعدك على كدة
كمان شمع النحل مفيد جدا للشعر
تقدرو تعملو سيرش وتتعرفوا اكتر على اهميته للشعر
فالطريقة الوحيدة للاستفادة منه ادخاله ككريم للشعر
والزيوت استخدامها بمفردها
بيبقى صعب
امتصاصها من الشعر والفروة ولكن في صورة كريم الشعر بيمتصها اسهل
كمان الزيت بيهيش الشعر وينشفه اما الكريم العكس
بيساعد على ترطيب الشعر وازاله مظهر الهيشان
ولكن طبعا اهمية هذا الكريم في الدرجة الثانيه
بعد الاهتمام الداخلى بالشعر
التغذية وشرب الماء والتدليك
وغير ذالك من النصائح الهامة
اللى ذكرتهابالتفصيل بالموضوع السابق
اى اضافه خارجية للاسف
مش هتفيد
ولا هتضيف اي تحسن جذري للشعر
---------------------------
اتمنى يارب يكون عجبكم واستفدتم منه
وربنا ينفعكم به
0 التعليقات:
إرسال تعليق