ازاى تعرفى ان شعرك متقصف وكمان نصايح من الدكاترة الشعر علشان شعرك

النهارده حنتكلم عن موضوع مهم والا وهو

تقصف الشعر

وازاى تعرفى انك شعرك متقصف

وازاى تهتم بشعرك بخطوات بسيطه جدااا

هتعرفي ازاي اذا كان شعرك مقصف ولا لا؟؟؟؟
تمسكي شعرك من تحت لو لقيتي شعرك مقسوم اتنين او اكتر يبقى مقصف

لو ملقتيش كده؟

امسكي شعرة واحده من جذورها لاطرافها وحسسي عليها بين صوابعك لو لقيتي فوق انعم من تحت يبقى مقصف

99% مننا شعرهم هيطلع مقصف
نعمل ايه؟؟

اول حاجه نتجنب الاسباب
تاني حاجه المقص طبعا عند الكوافير او في البيت المهم فوق التقصيف ب 1 سم وتقصي

لازم لازم لازم ليه؟؟


لان التقصيف بيزحف لاخر الشعرة وهيبوظها يعني هيبوظها يبقى لازم نقصه

علشان تحافظ على بقيته 

الموضوع مش انه يطول بسرعه لا يطول بصحه

نصايح من دكاترة الشعر 
1 - متسرحيش شعرك على الناشف والا هيتقصف لازم يكون مبلبل


2- اغسلى الشعر بالمياة الباردة مش الدافية علشان الدافية بتتبخر من

الشعر بسرعة وبتسيبه


على حالته وهوة مبلبل فبيتقصف ويتشقق من تحت


3- لا تشدى الشعر لورا والا هييرجع لورا ويسيب صلعة

4- سرحى الشعر بالراحة

5- لازم تأكلى الخضار والفاكهة والسلطة والعسل الاسود والكبدة علشان فيهم الحديد


والفيتامينات اللي محتاجهم شعرك



6- ماتستخدميش الصبغات ولا الفرد ولا مية الكسجين بيبهدلوا الشعر ويوقعوه



7- ممكن تستخدمي الحنة بس من غير مواد كيماوية مع حمامات زيوت طبية علشان ما ينشفش

8- قصى أطراف الشعر بس كل شهر علشان ينمو طبيعي

9- ماتستخدميش حمامات الكريم لان بيبقى فيها مواد زي مية النار بتنعم الشعر في لاول وبعدين بتوقعه


10-أستخدمى الزيوت والكريمات والشامبوهات الطبية بس علشان شعرك ميتقصفش ومايقعش بسهولة
11- لازم اللي يلامس شعرك يبقى قطن علشان يمتص العرق وميكونش فطريات في فروة راسي ويعمل قشرة

12-ما تلفيش شعرك بطرح كتيرة علشان مايعرقش جامد

13ـ كل واحد في البيت يكون ليه فوطة لوشه مختلفة عن الباقيين ومختلفة عن فوطة جسمه




علشان العدوى


14ـ الفوط تكون قطن وتتغلي


15ـ كيس المخدة لازم يبقى قطن ويتغلي علشان الحساسية

خطوات سهله وبسيطه لو طبقتيها حتلاقى شعرك

اتحسن بالتدريج

انا كدا خلصت اشوفكم على خير ياقمرات

شاركه على جوجل بلس

عن Unknown